RUSIYA XİN-IN RƏSMI NÜMAYƏNDƏSI XƏZƏR DƏNIZINDƏKI HADISƏ BARƏDƏ
Rusiya Xarici İşlər Nazirliyinin rəsmi nümayəndəsi A.V.Yakovenko bu yaxınlarda Xəzər dənizində baş vermiş hadisəni Azərbaycanın kütləvi informasiya vasitələrinin xahişi ilə şərh edərək demişdir:
Rusiyaya dost olan iki dövlət - Azərbaycan ilə İran arasında bu yaxınlarda Xəzər dənizinin cənub hissəsində baş vermiş hadisə ilə əlaqədar təəssüfləndiyimizi bildiririk. Xəzər sülh və sabitlik, qarşılıqlı etimad və bərabər hüquqlu əməkdaşlıq regionu olmalıdır.
Biz bunu əsas tuturuq ki, tərəflər mübahisəli məsələləri həll edərkən, birbaşa dialoq vasitəsilə mehriban qonşuluq ruhunda hərəkət edəcək, müdriklik və təmkin göstərəcəklər. Baş vermiş hadisə Xəzər dənizinin yeni hüquqi statusunun işlənib hazırlanması prosesini sürətləndirməyin, Xəzərin enerji ehtiyatlarından istifadə məsələlərini bu zəmində tənzimləməyin zəruri olduğunu təsdiq edir.
Bölmənin digər xəbərləri
