TƏRTƏRDƏ SÜD EMALI ZAVODU TİKİLİR
Tərtər, 15 aprel (AZƏRTAC). Tərtər rayonunun Buruc kəndi ərazisində “Gilan” MMC tərəfindən süd emalı zavodu tikilir. İnşasına ötən ilin aprelində başlanılan zavod əsas və iki yardımçı binadan ibarət olacaqdır.
Gündə 10 ton süd emal etmək gücünə malik olacaq müəssisədə 10-dan çox çeşiddə ağartı məhsulları hazırlanacaqdır.
Hazırda zavodu daimi isti su ilə təmin etmək üçün qazanxana qurulur.
Müəssisə tam gücü ilə işə düşdükdən sonra burada 300 nəfərdən çox işçi çalışacaqdır. Rayonun 6 kəndində zavodun qəbul məntəqələri fəaliyyət göstərəcəkdir.
Bölmənin digər xəbərləri
