Yaponiya hökumətinin dəstəyi ilə Bərdə və Ağcabədi rayonlarında daha bir layihə həyata keçiriləcəkdir
Bakı, 8 mart (AZƏRTAC). Martın 10-da Bərdə Rayon İcra Hakimiyyətində Yaponiya Hökumətinin “Ot kökləri və insan təhlükəsizliyi Qrant Yardımı Proqramı” çərçivəsində “Bərdə və Ağcabədi rayonlarının səkkiz kəndində İrriqasiya sisteminin təkmilləşdirilməsi layihəsi” qrant sazişinin imzalanma mərasimi keçiriləcəkdir.
Yaponiyanın ölkəmizdəki səfirliyindən AZƏRTAC-a bildirmişlər ki, sənədi səfir Şusuke Vatanabe və Aran Humanitar Regional İnkişaf Təşkilatının icraçı direktoru Rauf Əliyev imzalayacaqlar.
Layihə irriqasiya servisi təchizatının yaxşılaşdırılması vasitəsilə Bərdə və Ağcabədi rayonlarının səkkiz kəndində kənd təsərrüfatı məhsuldarlığı və fermerlərin gəlirlərinin artırılması məqsədi daşıyır. Qrant yardımının ümumi məbləği 98.444 ABŞ dollarıdır.
İmzalanacaq bu layihə “Ot kökləri və insan təhlükəsizliyi Qrant Yardımı Proqramı” çərçivəsində Yaponiya ilə Azərbaycan arasında bağlanacaq 142-ci qrant sazişidir. Həmçinin, bu saziş Bərdədə 10-cu, Ağcabədidə həyata keçiriləcək 4-cü layihədir.
Bölmənin digər xəbərləri
