“Şahdəniz” yatağında quraşdırılacaq TPG-500 platformasının Norveçin Qrimstad şəhərindən yola salınmış qazma avadanlığı və digər komponentlərindən ibarət hissələri bp-nin Xəzər sahilindəki Zığ tikinti-quraşdırma sahəsinə çatdırılaraq boşaldılmışdır.

bp şirkətinin “Şahdəniz” layihəsi üzrə vitse-prezidenti Rob Kelli AZƏRTAC-ın müxbirinə bildirmişdir ki, bir ay müddətində 5 min 500 kilometr su yolu qət etmiş 2 min 200 ton yük Bakıya müəyyən olunmuş vaxtda çatdırılmışdır. İndi avadanlığın yığılma mərhələsi başlanır.