Bakı, 22 avqust (AZƏRTAC). Zaqatalanın “Simurq” komandası heyətini daha bir futbolçu ilə gücləndirmişdir.

Klubdan AZƏRTAC-a bildirmişlər ki, komanda baxışda olan israilli futbolçu İdan Vaitzman ilə birillik müqavilə bağlamışdır. Növbəti mövsümün sonunadək Zaqatala təmsilçisinin şərəfini qoruyacaq 28 yaşlı futbolçu “Simurq”un heyətində 20 nömrəli forma ilə mübarizə aparacaqdır.

Karyerası ərzində ilk dəfə legioner həyatı yaşayacaq İ.Vaitzman “Simurq”dan əvvəl ölkəsində futbol həyatını davam etdirmişdir. Onun sonuncu klubu “Bney Saxnin” olmuşdur.