MƏDƏNİYYƏT


AZƏRTAC Dövlət Kino-Foto Sənədləri Arxivinə yeni saxlama vahidi təqdim edib

Bakı, 12 iyul, AZƏRTAC

Azərbaycan Dövlət İnformasiya Agentliyi tərəfindən 7087 saxlama vahidi fotosənəd Dövlət Kino-Foto Sənədləri Arxivinə təhvil verilib.

Təqdim edilən sənədlər Prezident İlham Əliyevin 2017-ci ilin ikinci yarım ilində Şirvan, Qax, Zaqatala, Samux, Gədəbəy, Yevlax, Şəmkir, Neftçala, Salyan, Qobustan, Şamaxı, Gəncə, Tərtər, Sabirabad və Naxçıvan Muxtar Respublikasına (MR) səfərlərini, regionların sosial-iqtisadi inkişafını, Bakı şəhərində və Naxçıvan MR-də məktəb-liseylərin yeni binalarının açılışında dövlət başçısının iştirakını, hərbi hissələrin binalarının yenidən qurulmasını, Binəqədi-Novxanı, Pirşağı-Novxanı, Məmmədli-Digah-Mehdiabad avtomobil yolunun, Bakı-Tbilisi-Qars dəmir yolunun açılışını, parkların, mədəniyyət abidələrinin əsaslı təmirini əks etdirir.

Həmçinin dövlət başçısının 2017-ci ilin ikinci yarım ilində İran, Fransa, Polşa, Türkiyə, Latviya, Belçika və Pakistana etdiyi səfərlərdə qəbul edilmiş sənədlərdə öz əksini tapıb.

Ümummilli lider Heydər Əliyevin anadan olmasının 94-cü ildönümü tədbirləri, Xocalı soyqırımının 25-ci ildönümü ilə əlaqədar keçirilən Ümumxalq Yürüşü, Milli Olimpiya Komitəsinin 25 illiyinə həsr olunmuş idman tədbirləri də qəbul olunmuş fotosənədlərdə əksini tapıb.

Hazırda arxivdə sənədlərin Milli Arxiv Fonduna qəbulu rəsmiləşdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.