REGİONLAR
Həyətində narkotik bitki əkib-becərən şəxs saxlanılıb VİDEO
Kürdəmir, 5 sentyabr, AZƏRTAC
Kürdəmir rayonunun Yenikənd kəndində yaşadığı evin həyətində narkotik bitki əkib-becərən 1963-cü il təvəllüdlü Cəfərov Yahya Sədir oğlu polis işçiləri tərəfindən saxlanılıb.
AZƏRTAC-ın bölgə müxbiri xəbər verir ki, daxil olan məlumata əsasən Kürdəmir rayon polis şöbəsi əməkdaşlarının keçirdikləri əməliyyat-axtarış zamanı Yahya Cəfərovun yaşadığı evin həyətindəki bağ sahəsində üç ədəd yaş vəziyyətdə, tərkibində narkotik maddələr olan, əkib-becərdilməsi qadağan olunmuş çətənə (kannabis) bitkisi aşkar edilərək götürülüb.
Qeyd edək ki, Y.Cəfərov əvvəllər də Cinayət Məcəlləsinin müxtəlif maddələri ilə məhkum olunub.
Faktla bağlı araşdırma aparılır.