CƏMİYYƏT
Gəncə şəhər sakinindən 12 kiloqramdan çox marixuana götürülüb
Bakı, 18 sentyabr, AZƏRTAC
Daxili işlər orqanlarının əməkdaşları narkotik vasitələrin qanunsuz dövriyyəsinə qarşı mübarizə tədbirlərini qətiyyətlə davam etdirirlər.
Daxili İşlər Nazirliyinin mətbuat xidmətindən AZƏRTAC-a bildiriblər ki, Samux Rayon Polis Şöbəsi əməkdaşlarının daxil olmuş məlumat əsasında keçirdikləri əməliyyat tədbirləri nəticəsində Gəncə şəhər sakini T.Bayramov tərəfindən Yeni Nəbiağalı kəndindəki evlərdən birinin həyətyanı sahəsində kultivasiya yolu ilə yetişdirilmiş 14 çətənə kolu və 12 kiloqramdan artıq qurudulmuş marixuana aşkarlanaraq götürülüb.
Faktla bağlı təhqiqat aparılır.