ELM VƏ TƏHSİL
Polimer Materialları İnstitutu əməkdaşlarının məqalələri əsasən beynəlxalq jurnallarda yer alıb
Bakı, 7 dekabr, AZƏRTAC
Bu il Polimer Materialları İnstitutunun əməkdaşları tərəfindən 61 elmi məqalə çap etdirilib. Onlardan 27-si “Web of Science” və “Scopus”, 2-si yüksək impakt faktorlu bazalara daxil olan nəşrlərdə, 10-u isə digər beynəlxalq jurnallarda yer alıb.
AZƏRTAC xəbər verir ki, bu barədə institutun Elmi şurasının 2022-ci ildə yerinə yetirilən elmi-tədqiqat işlərinin yekunlarına həsr olunan iclasında məlumat verilib. Bildirilib ki, elm müəssisəsində 2 problem, 4 mövzu, 18 iş və 24 mərhələ üzrə elmi-tədqiqat işləri yerinə yetirilib.