Bakı, 19 aprel (AZƏRTAC). Britaniya alimləri albalı şirəsinin möcüzəvi xassələrini müəyyən etmişlər. Onlar şirəni idmançılar üzərində sınaqdan çıxarmışlar. Marafon ərəfəsində qaçışçılara beş gün ərzində iki dəfə albalı şirəsi verilmişdir. Marafondan sonra aparılan tədqiqatlar göstərmişdir ki, albalı şirəsi içənlər qüvvələrini daha tez bərpa etmişlər. Məsələ bundadır ki, albalı şirəsi oksidləşdirmə stresinin qarşısını alır və əzələlərin sürətlə bərpa olunmasına kömək edir.