ELM VƏ TƏHSİL


AMEA-nın Elm Tarixi İnstitutu beynəlxalq əlaqələrini genişləndirir

Bakı, 18 iyul, AZƏRTAC

Azərbaycan Milli Elmlər Akademiyasının (AMEA) Elm Tarixi İnstitutu dünyanın bir sıra aparıcı elmi təşkilat və müəssisələri ilə əlaqələrini genişləndirir.

İnstitutdan AZƏRTAC-a bildirilib ki, Rusiya Elmlər Akademiyasının Təbiət Elmləri və Texnika Tarixi İnstitutunun Sankt-Peterburq filialının direktoru, sosiologiya üzrə fəlsəfə doktoru Nadejda Aşeulova AMEA-nın vitse-prezidenti, akademik İsa Həbibbəyli və Elm Tarixi İnstitutunun direktoru, tarix üzrə elmlər doktoru, dosent Məryəm Seyidbəyli ilə görüşüb.

AMEA-nın Rəyasət Heyətində keçirilən görüş zamanı rusiyalı alimə Elm Tarixi İnstitutunun əldə etdiyi nailiyyətlər və aparılan tədqiqat işləri barədə məlumat verilib. Görüşdə, həmçinin Azərbaycan-Rusiya münasibətlərinin inkişaf perspektivlərindən, ölkəmizin regionda strateji rolundan və həyata keçirilən proqramlardan danışılıb.

Nadejda Aşeulova Elm Tarixi İnstitutu ilə birgə layihələrin və elmi araşdırmaların davam etdirilməsində maraqlı olduğunu vurğulayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.