DÜNYA


“Aeroflot” şirkəti “Superjet 100” təyyarələrinin ləğv olunmuş reyslərinin sayını artırıb

Bakı, 10 may, AZƏRTAC

“Aeroflot” şirkəti mayın 10-da “Sukhoi Superjet 100” təyyarələrinin 14 cüt reysini ləğv edib.

AZƏRTAC Interfax informasiya agentliyinə istinadla xəbər verir ki, ləğv olunmuş aviareyslər Ufa, İjevsk, Çelyabinsk, Rostov-Don, Maqnitoqorsk, Arxangelsk, Krasnodar, Saratov, Nijni Novqorod, Belqorod, Kazan, Volqoqrad, Perm və Vilnüsə gediş-gəliş daşımalarıdır.

Aviakompaniya yaranmış vəziyyətlə bağlı hələlik şərh verməyib.

Xatırladaq ki, mayın 5-də Moskvadan Murmanska uçan “Aeroflot” aviakompaniyasına məxsus SSJ-100 layneri “Şeremetyevo” aeroportuna təcili eniş edərkən yanıb. İnsident nəticəsində təyyarənin göyərtəsində olan 78 nəfərdən 41-i həlak olub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.