DÜNYA


Almaniya Prezidenti Osvensimin azad edilməsinin 75 illiyinə həsr olunmuş mərasimdə iştirak edib

Berlin, 28 yanvar, AZƏRTAC

“Əgər sən Osvensim vəhşiliklərinə gedən yolu tanıyırsansa, o zaman bu yolun əvvəlində ona qarşı mübarizə aparmalısan. Bu, son həddi olmayan məsuliyyətdir”.

AZƏRTAC Almaniya KİV-lərinə istinadla xəbər verir ki, bu fikirləri öz həyat yoldaşı ilə nasist düşərgəsini ziyarət edən və buradakı Memorialın qonaqlar üçün ayrılmış kitabına ürək sözlərini yazan Almaniya Prezidenti Frank-Valter Ştaynmayer ifadə edib.

Sonra Osvensimin azad edilməsinin 75 illiyinə həsr olunmuş mərasimdə çıxış edən Ştaynmayer Avropanı ayıq olmağa, ekstremizmin baş qaldırmasına imkan verməməyə və keçmişin dəhşətlərini gələcək nəsillərə xəbərdarlıq kimi başa düşməyə çağırıb. O “şərin hələ də yaşadığını” vurğulayıb.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.