DÜNYA


Almaniya ekologiyaya investisiyaları artırır

Berlin, 4 dekabr, AZƏRTAC

Almaniya hökumətinin başçısı Angela Merkel havanın çirklənməsinə qarşı mübarizədə şəhərlərin hakimiyyət orqanlarını dəstəkləmək üçün 2 milyard avro vəsait ayrılacağını vəd edib. Bu, sonuncu dəfə ayrılan məbləğdən yarım milyard avro çoxdur.

AZƏRTAC xəbər verir ki, Merkel bu bəyanatı havada azot oksidlərinin miqdarı ən çox olan bələdiyyələrin nümayəndələri ilə Almaniya paytaxtında danışıqlardan sonra səsləndirib.

Bu proqram çərçivəsində şəhərlərin kommunal xidmətləri tərəfindən elektromobillər və elektromobillərin akkumulyatorlarını enerji ilə doldurmaq üçün əlavə kolonkalar alınmasına dəstək verilir.

2017-ci ilin məlumatına görə, ölkənin 65 şəhərində havada azot oksidlərinin miqdarı yol verilə bilən maksimal həddən yuxarı olub.

Vüqar Seyidov

AZƏRTAC-ın xüsusi müxbiri

Berlin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.