DÜNYA


Alp dağlarının İtaliya hissəsində buz təbəqəsinin çökməsi 6 nəfərin həyatına son qoyub

Roma, 4 iyul, AZƏRTAC

Alp dağlarının İtaliya hissəsində böyük buz təbəqəsinin çökməsi nəticəsində azı 6 nəfər ölüb.

AZƏRTAC xəbər verir ki, İtaliyanın şimal-şərqindəki Marmolada yüksəkliyində buz təbəqəsi dağda olan bir qrup alpinistin üzərinə çöküb. Hadisə nəticəsində alpinistlərdən 6-sı ölüb, biri ağır olmaqla 8 nəfər yaralanıb.

Daha 10 nəfərin itkin düşdüyü, axtarış-xilasetmə işlərinin davam etdiyi bildirilib. Axtarış-xilasetmə işlərinə canlı qüvvə ilə yanaşı, 5 helikopter cəlb olunub.

Qeyd edək ki, Marmolada zirvəsində yerləşən buzlaq İtaliyanın ən böyük buzlaqlarından biridir.

 
Nihad Budaqov
AZƏRTAC-ın xüsusi müxbiri
Roma

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.