MƏDƏNİYYƏT


“Art Tover” qalereyasında fotosərgi açılıb

Bakı, 13 oktyabr, AZƏRTAC

“Art Tover” qalereyasında bir neçə fotoqrafın əsərindən ibarət sərgi açılıb. “Azərbaycanı kəşf et” adlı sərgi Mədəniyyət və Turizm Nazirliyi, “İçərişəhər” Dövlət Tarix-Memarlıq Qoruğu İdarəsi və “Arts Concil” qeyri-hökumət təşkilatının təşkilatçılığı ilə gerçəkləşib.

Bu barədə AZƏRTAC-a “Arts Concil” qeyri-hökumət təşkilatının rəhbəri Dadaş Məmmədov məlumat verib.

“Sərgidə 20-dək fotoqrafın 25-dək əsəri yer alıb. Oktyabrın 19-dək davam edəcək sərginin məqsədi bu istiqamətdə gənc fotoqrafların rolunu artırmaq, onların bu işin təbliğatçısı qismində çıxış etmələrinə dəstək olmaqdır”,- deyə D.Məmmədov bildirib.

Paytaxt sakinləri ilə yanaşı, şəhərimizin qonağı olan əcnəbi turistlərin də qatıldığı sərgi maraqla qarşılanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.