İQTİSADİYYAT


Azərbaycan 53 dövlət ilə ikiqat vergitutmanın aradan qaldırılması haqqında ikitərəfli müqavilələr imzalayıb

Bakı, 5 avqust, AZƏRTAC 

Azərbaycan 53 dövlətlə ikiqat vergitutmanın aradan qaldırılması haqqında ikitərəfli müqavilələr imzalayıb ki, onlardan 49-u qüvvəyə minmiş və tətbiq olunmaqdadır.

AZƏRTAC vergiler.az saytına istinadla bildirir ki, Danimarka, İspaniya, İsrail və İordaniya ilə imzalanmış analoji sənədlər isə müvafiq prosedurlar bitdikdən sonra qüvvəyə minəcək.

Bundan əlavə, 10 ölkə ilə ikitərəfli və iki çoxtərəfli “Vergi qanunvericiliyinə əməl olunması üzrə əməkdaşlıq və qarşılıqlı yardım haqqında” sazişlər imzalanıb. Yeddi ölkə ilə ikitərəfli və bir çoxtərəfli “Vergi cinayətlərinə qarşı mübarizədə əməkdaşlıq haqqında”, 8 ölkə ilə ikitərəfli “Əməkdaşlıq haqqında” sazişlər bağlanıb.

Hasilatın Pay Bölgüsü Haqqında sazişlərə (HPBHS) əsasən, 1994-cü ildən etibarən neft-qaz sahəsi üzrə xüsusi vergi rejimi tətbiq edilməyə başlanılıb ki, hazırda ümumilikdə qüvvədə olan 23 sazişlə xüsusi vergi rejimində fəaliyyət göstərən vergiödəyicilərinə, yalnız mənfəət vergisi istisna olmaqla, digər vergilərə güzəştlər müəyyən edilib.

Ümumilikdə, Azərbaycan ilə 47 ölkə arasında sərmayələrin təşviqi və qarşılıqlı qorunması haqqında ikitərəfli sazişlər imzalanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.