MƏDƏNİYYƏT


Azərbaycan Cenevrədə keçirilən festivalda təmsil olunub

Cenevrə, 12 aprel, AZƏRTAC

Azərbaycan Cenevrə Universiteti tərəfindən keçirilən “Global Village” festivalında təmsil olunub.

AZƏRTAC xəbər verir ki, iyirmidən çox ölkə və müxtəlif təşkilatların qatıldığı tədbirdə ölkəmizin milli adət-ənənəsi, mədəniyyəti və mətbəxinə dair stend təqdim edilib.

Festival çərçivəsində, həmçinin Cenevrə Universitetində təhsil alan azərbaycanlı tələbələr Çinarə Azayzadə və Fidan Rüstəmzadə tərəfindən milli rəqslərimiz ifa edilib, Azərbaycan stendində iştirakçılara milli yemək və şirniyyatlar təqdim olunub.

Qeyd etmək lazımdır ki, onuncu dəfə təşkil olunan festivalda ölkəmizin ilk dəfə iştirak etməsinə baxmayaraq, stend və təqdimatımız böyük marağa səbəb olub.

Elgün Niftəli

AZƏRTAC-ın xüsusi müxbiri

Cenevrə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.