CƏMİYYƏT


Azərbaycan naziri BMT-nin İqlim Dəyişmələri üzrə Konfransında iştirak edib

Madrid, 5 dekabr, AZƏRTAC

Dünya ölkələri Madriddə Qlobal İqlim Dəyişmələri ilə bağlı məsələləri müzakirə edib.

AZƏRTAC xəbər verir ki, İspaniyanın paytaxtı Madriddə BMT-nin İqlim Dəyişmələri üzrə Çərçivə Konvensiyasının 25-ci Tərəflər Konfransı (COP25) keçirilib.

196 ölkənin nümayəndəsinin, o cümlədən 50 dövlət və hökumət başçısının, beynəlxalq təşkilat rəhbərlərinin iştirak etdiyi konfransda Azərbaycanı Ekologiya və Təbii Sərvətlər naziri Muxtar Babayevin başçılıq etdiyi nümayəndə heyəti təmsil edib.

Konfransda dövlət və hökumət başçıları tərəfindən iqlim dəyişmələri sahəsində həyata keçirilən milli fəaliyyətlər barədə məlumat verilib. Hökumətlərlə vətəndaş cəmiyyəti, özəl sektor və elm dairələri arasında iqtisadiyyatın dekarbonizasiyası, daha təhlükəsiz bir dünya və iqlim fəaliyyəti istiqamətləri üzrə panel müzakirələri təşkil olunub.

Azərbaycan nümayəndə heyətinin BMT-nin Ətraf Mühit Proqramı və Yaşıl İqlim Fondunun rəsmiləri ilə görüşləri keçirilib. Görüşlər zamanı ətraf mühitin qorunması və ekoloji problemlərin həlli baxımından BMT çərçivəsində irəli sürülən təşəbbüslərin Azərbaycan tərəfindən dəstəkləndiyi, bu istiqamətdə genişmiqyaslı layihələrin həyata keçirildiyi qeyd olunub.

Təhlükəli hidrometeoroloji hadisələrə qarşı dayanıqlığı təmin etmək məqsədilə Azərbaycanda erkən xəbərdarlıq sisteminin təkmilləşdirilməsi ilə bağlı görülən işlər barədə məlumat verilib.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.