İDMAN


Azərbaycanın kişi idman gimnastları gümüş medala sahib olublar

Bakı, 14 may, AZƏRTAC

Mayın 14-də Milli Gimnastika Arenasında IV İslam Həmrəyliyi Oyunlarının idman gimnastikası yarışlarında kişilərdən ibarət komandamız gümüş medala sahib olub.

AZƏRTAC xəbər verir ki, yarışlarda Azərbaycanı təmsil edən Murad Ağarzayev, Timur Bayramov, Talas Bence komandamızın aktivinə 161.700 xal yazdırıblar.

Yarışda Türkiyə 163.450 xalla birinci, İran isə 152.150 xalla üçüncü yeri tutub.

Mükafatlandırma mərasimində medalları atletlərə Beynəlxalq Gimnastika Federasiyasının prezidenti Morinari Vatanabe təqdim edib.

Çempion idmançıların şərəfinə Türkiyənin dövlət himni səsləndirilib və dövlət bayrağı qaldırılıb.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.