İQTİSADİYYAT


“Azəriqaz”: Beş il istismar olunan sayğacların dövlət yoxlamasına aparılması məcburidir

Bakı, 17 iyun, AZƏRTAC

“Azəriqaz” İstehsalat Birliyinin inzibati binasında növbəti “Açıq qapı” aksiyası reallaşıb.

İB-dən AZƏRTAC-a bildirilib ki, aksiyada “104” Qəza-çağrı xidməti şöbəsinin rəisi Xalidə Şimşək iyunun 1-dən bu günədək daxil olan müraciətlərin statistikasını açıqlayıb. Şöbə rəisi, həmçinin abonentlərə səslənərək onları sayğaclarla bağlı müraciətlərdə daha effektli davranmağa dəvət edib. Tövsiyə olunub ki, əgər sayğaclarda problem yaranan zaman “104” Çağrı mərkəzinə zəng olunubsa, o zaman abonentlərin sayğacın yanında olması vaxta qənaət baxımından daha səmərəli olar.

Sayğacların tətbiqi, idarə olunması və nəzarəti şöbəsinin rəisi Rövşən Məhyəddinov sayğacların yenilənməsi və tətbiqi ilə bağlı mövcud vəziyyəti aksiya iştirakçılarının diqqətinə çatdırıb. Şöbə rəisi ona ünvanlanan “Sayğacların dəyişdirilməsi məcburidirmi?” sualına cavab olaraq deyib ki, 5 il istismar olunan sayğacların dövlət yoxlamasına aparılması məcburidir və bu, müvafiq qayda və qanunlara əsaslanır. Rövşən Məhyəddinov bildirib ki, yoxlamadan sonra yararlı hesab olunan sayğacların yenidən istismara verilməsi prosesi də tam qaydalara uyğun olaraq həyata keçirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.