İQTİSADİYYAT


“Azəriqaz” paytaxtın bəzi küçələrində təmir işləri aparır

Bakı, 11 oktyabr, AZƏRTAC

“Azəriqaz” İB-nin Təmir-tikinti İdarəsi tərəfindən paytaxtın Azadlıq prospekti ilə Ziya Bünyadov küçələrinin kəsişməsində təmir işləri həyata keçirilir.

İB-dən AZƏRTAC-a bildirilib ki, Nəsimi və Binəqədi rayonlarının kəsişməsində diametri 530 və 325 millimetr olan ortatəzyiqli qaz kəmərlərinin əlaqələndirilməsi işləri aparılır. Əsas məqsəd abonentlərin qaz təchizatının yaxşılaşdırılması, hansısa xətdə qəza halı baş verərsə, digər xətdən qaz ötürməklə abonentləri dayanıqlı olaraq təbii qazla təmin etməkdir. Ərazidən çoxsaylı yeraltı kommunikasiya xətlərinin keçməsi texnikanın işləməsinə mane olduğundan əməkdaşlar işin ən ağır mərhələsini icra ediblər. Əl ilə qazma üsulundan istifadə edərək sözügedən ərazidə qazma işləri yekunlaşdırılıb. Artıq qoşma işləri həyata keçirilir, günün sonunadək işlərin yekunlaşdırılması nəzərdə tutulub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.