İQTİSADİYYAT


“Azexport” ABŞ-ın Corc Mason Universitetində təqdim olunub

Bakı, 4 aprel, AZƏRTAC

İqtisadi İslahatların Təhlili və Kommunikasiya Mərkəzinin "Azexport" portalı ABŞ-ın Corc Mason Universitetində təqdim edilib.

Mərkəzdən AZƏRTAC-a bildirilib ki, portalın rəhbəri Zaur Qardaşov Corc Mason Universitetində "İstehlakçı ödənişləri və elektron maliyyə akademiyasında" mövzusunda tədbirdə Azərbaycanı təmsil edib. "Visa International" şirkətinin dəstəyi, univerisitetin təşkilatçılığı ilə reallaşan konfransda 30-dan çox ölkənin, o cümlədən, ABŞ-ın 10-dək ştatını təmsil edən yerli nümayəndələri iştirak edib.

Z.Qardaşov tədbir iştirakçılarına Rəqəmsal Ticarət Qovşağı və "Azexport" portalı barədə ətraflı məlumatlar təqdim edib.

Qeyd edək ki, portal beynəlxalq "Visa International" şirkəti ilə mütəmadi əməkdaşlıq edilir. Bu şirkətin Azərbaycanda "Apple Pay", "Google Pay" və "Samsung Pay" kimi ödəniş sistemlərinin işinin təmin edilməsi o cümlədən qeyd olunan sistemlərin və bank kartlarının nəqliyyatda alternativ ödəniş üsulu kimi istifadə edilməsi üçün qanunvericiliyin uyğunlaşdırılması, rəqəmsal platformanın hazırlanması və digər bu kimi istiqamətlərdə dəstək göstərilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.