SİYASƏT
BİZ DÖVLƏTİMİZİN BAŞÇISI, MÜDRİK AĞSAQQALIMIZ HEYDƏR ƏLİYEVİN QAYĞISINI HEÇ VAXT UNUTMAYACAĞIQ
BU FİKİR BAKININ XƏTAİ VƏ SABUNÇU RAYONLARINDA QARABAĞ MÜHARİBƏSİ ƏLİLLƏRİ VƏ ŞƏHİD AİLƏLƏRİ ÜÇÜN İNŞA OLUNMUŞ ÇOXMƏRTƏBƏLİ YAŞAYIŞ BİNALARI SAKİNLƏRİNİN AZƏRBAYCAN PREZİDENTİNƏ MÜRACİƏTİNİN LEYTMOTOVİNİ TƏŞKİL EDİR
Möhtərəm Prezidentimiz!
Bu müraciəti yazmaqda məqsədimiz Qarabağ müharibəsinin ağrı-acısını dadmış, fiziki sağlamlıqlarını itirmiş bizim kimi əlillərin və şəhid olmuş insanların ailələrinin son günlər müxalifətin tutduğu mənəviyyatsız mövqeyə münasibətini bildirməkdir. Müxalifət mətbuatında dövlətimizin başçısının şərəf və ləyaqətinə toxunan təhqiramiz ifadələrlə dolu olan yazılar və çıxışlar bütün xalqımız kimi, bizi də qəzəbləndirmişdir. Biz yaxşı dərk edirik ki, milli mentalitetimizə, adi insanlıq etikasına sığmayan, mənəviyyatımıza zidd olan bu hərəkətlər əslində milli dövlətçiliyimizə, xalqımıza qarşı hörmətsizlikdir. Ona görə də müxalifəti və onların himayəsi ilə çıxan qəzetlərinin bu cür nalayiq hərəkətlərini lənətləyir, bu qüvvələrə qarşı qanun çərçivəsində ciddi tədbirlər görülməsini tələb edirik. Heç kəsin dövlətimizin rəhbərinin şərəf və ləyaqətinə hörmətsizlik etməyə nə mənəvi, nə də hüquqi haqqı vardır.
Təkzibolunmaz faktdır ki, Azərbaycanın tarix boyu qazandığı ən böyük nailiyyətlər məhz Sizin misilsiz siyasi fəaliyyətinizlə bağlıdır. 1993-cü ildə xalqımızın təkidli çağırışı ilə respublikamıza yenidən rəhbərliyə qayıdışınızdan sonrakı müddətdə Azərbaycanda həyatın bütün sahələrində böyük tarixi uğurlar qazanılmış, ölkəmiz dünya birliyində öz layiqli yerini tapmışdır. Eyni zamanda, Sizin əhaliyə, xüsusən də onun aztəminatlı təbəqələrinə şəxsi qayğınızın nəticəsi olaraq, ölkədə səmərəli sosial-iqtisadi layihələr həyata keçirilmişdir. Bu layihələr aztəminatlı insanların mənafelərinin qorunması, onların həyat səviyyəsinin yüksəldilməsi sahəsində mühüm rol oynamışdır.
Son illər əlillərin mənzil ehtiyaclarının ödənilməsi məqsədi ilə ölkəmizin ayrı-ayrı bölgələrində fərdi evlər və çoxmərtəbəli yaşayış binaları tikilib istifadəyə verilmiş, onlar minik avtomobilləri ilə təmin olunmuşlar. Əlilliyin reabilitasiyası üçün yeni müalicə və protezləşdirmə mərkəzləri yaradılmış və ən müasir tibbi avadanlıqla təchiz olunmuş, pensiya təminatı davamlı olaraq yaxşılaşdırılmışdır. Bütün bunlar, möhtərəm Prezidentimiz, aztəminatlı təbəqələrə, həmçinin əlil və şəhid ailələrinə Sizin şəxsi qayğınızın parlaq ifadəsidir. Bizlər Sizin bu qayğıkeşliyinizi yüksək qiymətləndiririk.
Möhtərəm Prezidentimiz!
Azərbaycanda yaşayan əlillər müstəqil dövlətimizin maraq və mənafelərini daim uca tutur, Sizin yürütdüyünüz uğurlu daxili və xarici siyasəti dəstəkləyir və inanırlar ki, ərazi bütövlüyümüz tezliklə bərpa olunacaqdır. Bu inam hissi bizləri daim Sizin ətrafınızda daha da sıx birləşməyə ruhlandırır. Biz qarşıdan gələn prezident seçkilərində də belə bir nikbin ovqatla iştirak edəcək, xalqımızın inkişaf və tərəqqisi üçün misilsiz və ölçüyəgəlməz xidmətlər göstərmiş böyük şəxsiyyətin – Heydər Əlirza oğlu Əliyevin namizədliyini müdafiə edəcəyik.
Tanrı Sizi qorusun!
Zati-alinizə dərin hörmət və ehtiramla,
Bakının Xətai və Sabunçu rayonlarında
Qarabağ müharibəsi əlilləri və şəhid
ailələri üçün inşa olunmuş çoxmərtəbəli
yaşayış binalarının sakinləri:
Şirvan Hüseynxan oğlu Məmmədov – I qrup əlil
Habil Cəlil oğlu Babayev – II qrup əlil
Eldar Mədət oğlu Əhmədov – II qrup əlil
Xasay Aslan oğlu Məmişli – II qrup əlil
Esmira Ərşad qızı Hacıyeva – şəhid ailəsi
Məmməd Cəfərqulu oğlu Əliquliyev – II qrup əlil
Cavid Ağa oğlu Hüseynov – I qrup əlil
Laçın İbadulla oğlu Səfərov- II qrup əlil
Çingiz Süleyman oğlu Əliyev – II qrup əlil
İlyas Teymur oğlu Seyidov – II qrup əlil
Həsənağa Əmiraslanov – II qrup əlil
Vəsilə Kərimova – şəhid ailəsi
Kifayət Əlixanova - şəhid ailəsi
Bəsti Gülmalıyeva - şəhid ailəsi
Elsevər Şamil oğlu Muradov – I qrup əlil
Fəxriyyə Qarayeva - şəhid ailəsi
Hamlet Cahangir oğlu Sofiyev - II qrup əlil
Tələt Orduxan oğlu Həsənov - II qrup əlil
Elmira Abdullayeva - şəhid ailəsi
Arzu İmdad qızı Mehdiyeva - şəhid ailəsi
Bənövşə Əli qızı Əhmədova - şəhid ailəsi
Zülfüqar Əlinağı oğlu Cəfərov - II qrup əlil
Əmirhüseyn Allahverdi oğlu Əliyev - II qrup əlil
Raya Bayram qızı Bayramova - şəhid ailəsi
Türbətxanım Məmmədova - şəhid ailəsi
Sahib Səməd oğlu İskəndərov – I qrup əlil
Zeynəb Mehdiyeva - şəhid ailəsi
Dilbər Abdullayeva - şəhid ailəsi
Vüsal Namiq oğlu Babayev - II qrup əlil
Namiq Məmməd oğlu Məmmədov - II qrup əlil
Elbrus Zülfüqar oğlu Məmmədov - II qrup əlil
Eldar Qurban oğlu Abdullayev - II qrup əlil
Süleyman Safqulu oğlu Safquliyev - II qrup əlil
Bilqeyis Şərəf qızı Əzimova - şəhid ailəsi
Fərhad Bayram oğlu Quliyev - II qrup əlil
Şəhla Cəfər qızı Əliyeva - şəhid ailəsi
Ehtiram İsrail oğlu Əliyev – Milli Qəhrəman
Nəzakət Sabiq qızı Bəşirova - şəhid ailəsi
Sənubər Yaşar qızı Nəzirova - şəhid ailəsi
Rövşən Cəfər oğlu Abbasov – II qrup əlil
Araz İsa oğlu Hüseynov - II qrup əlil
Gülşən Hüseynbala qızı Həmzəyeva - şəhid ailəsi
Elman Qılman oğlu Qılmanov - II qrup əlil
Niyaz Knyaz oğlu Qasımov - II qrup əlil