İDMAN


Bakıda Milli Atçılıq Festivalı çərçivəsində arena polo üzrə VI Dünya Kuboku yarışı keçiriləcək

Bakı, 14 iyun, AZƏRTAC

Azərbaycan Xalq Cümhuriyyətinin yaradılmasının 100 illik yubileyi münasibətilə Heydər Əliyev Fondunun dəstəyi və Azərbaycan Respublikası Atçılıq Federasiyasının (ARAF) təşkilatçılığı ilə reallaşdırılan Milli Atçılıq Festivalı yüksək səviyyədə həyata keçirilir.

ARAF-dan AZƏRTAC-a bildiriblər ki, festival çərçivəsində bir neçə tədbir və turnirlər artıq təşkil olunub. Milli Atçılıq Festivalına iyunun 15-17-də arena polo üzrə VI Dünya Kuboku yarışı ilə yekun vurulacaq.

İyunun 14-də “JW Marriott Absheron Baku” mehmanxanasında yarışla bağlı mətbuat konfransı və komandaların təqdimatı olacaq.

İyunun 15-də “Elite Horse & Polo Club” və “Indian Polo & Riding Club New Delhi” komandaları arasında keçiriləcək oyunla arena polo üzrə VI Dünya Kuboku yarışı start götürəcək. Günün ikinci oyunu isə “Polo Club Wicklow” və “Rhein Polo Club Düsseldorf” arasında olacaq. Günün sonunda isə “Elite Events Hall”da “Baku Moritz” qala gecəsi keçiriləcək.

İyunun 16-da günün ilk oyununda “Rhein Polo Club Düsseldorf” və “Indian Polo & Riding Club New Delhi” komandaları mübarizə aparacaq. İkinci oyun isə “Elite Horse & Polo Club” və “Polo Club Wicklow” arasında keçiriləcək. Kubokun ikinci günü “Port Baku Scalini”də keçiriləcək dünya polo gecəsi (iştirak yalnız dəvətnamə ilə) ilə başa çatacaq.

İyunun 17-də keçiriləcək oyunlarda isə komandalar üçüncülük və final uğrunda mübarizə aparacaqlar.

Oyunlardan sonra keçiriləcək mükafatlandırma mərasimi ilə arena polo üzrə VI Dünya Kuboku yarışına yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.