REGİONLAR


Balakəndə tütün şitillərinin yetişdirilməsi üçün sadə istixanalar hazırlanır

Balakən, 9 yanvar, Mustafa Dadaşov, AZƏRTAC

Balakən rayonunda əhaliyə məxsus şəxsi təsərrüfatlarda tütün şitillərinin yetişdirilməsi üçün istehsalçılar tərəfindən sadə istixanaların hazırlanmasına başlanılıb və indiyədək 80-dən çox belə istixana yaradılıb. Növbəti mövsümdə tütün şitillərinə olan tələbatın tam şəkildə ödənilməsi üçün təsərrüfatlarda 850-dək sadə istixananın yaradılması nəzərdə tutulur.

Bu barədə AZƏRTAC-ın bölgə müxbirinə rayon icra hakimiyyəti aparatının şöbə müdirinin müavini Turan Dibirov məlumat verib.

İstixanalarda yetişdiriləcək tütün şitilləri aprelin əvvəlində sahələrə köçürüləcək.

Xatırladaq ki, ötənilki mövsümdə balakənli fermerlər 535 hektar sahədən 643 ton quru tütün əldə ediblər. Məhsul istehsalı əvvəlki illə müqayisədə 2 dəfədən çox artıb. Cari ildə rayonda 450 hektarda “Virciniya” növlü ətirli, 85 hektarda isə digər tütün sortlarının əkilməsi planlaşdırılır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.