CƏMİYYƏT


Baş Prokurorluq Ermənistan ordusunun Azərbaycanın dinc əhalisinə qarşı törətdiyi cinayət əməlləri barədə altı dildə videoçarxlar hazırlayıb

Bakı, 26 oktyabr, AZƏRTAC 

Azərbaycan Respublikası Baş Prokurorluğu Ermənistan Respublikasının silahlı qüvvələrinin Azərbaycanın dinc əhalisinə qarşı törətdiyi cinayət əməlləri barədə dünya ictimaiyyətinin daha geniş məlumatlandırılması məqsədilə fransız, ispan, alman, rus, ingilis və ərəb dillərində növbəti dəfə maarifləndirici videoçarxlar hazırlayıb.

Baş Prokurorluğun mətbuat xidmətindən AZƏRTAC-a bildiriblər ki, videoçarxlarda işğalçı Ermənistan Respublikası silahlı qüvvələrinin oktyabrın 4-də, 11-də və 17-də raket və ağır artilleriya hücumları nəticəsində Gəncə şəhərində 10-u qadın, 6-sı uşaq olmaqla 26 nəfərin həlak olduğu, 138 nəfərin yaralandığı diqqətə çatdırılıb. Həmçinin bildirilib ki, şəhərdə mülki infrastruktur obyektlərinə, nəqliyyat vasitələrinə külli miqdarda ziyan dəyib.

Ermənistanın işğalçı və təcavüzkar mahiyyətinin beynəlxalq müstəvidə bir daha ifşa edilməsi, işğalçı dövlətə qarşı beynəlxalq hüquqla nəzərdə tutulmuş sanksiyaların tətbiq olunması məqsədilə Azərbaycan Respublikası Baş Prokurorluğu tərəfindən bütün beynəlxalq qurumlara müraciət ediləcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.