MƏDƏNİYYƏT


Beynəlxalq Birlik üzvləri ölkəmizin qolf potensialı ilə tanış olublar

Bakı, 18 sentyabr, AZƏRTAC 

Azərbaycan Turizm Bürosunun təşkilatçılığı ilə Beynəlxalq Qolf Turoperatorları Birliyinin (IAGTO) üzvləri ölkənin qolf turizmi potensialı ilə tanış olublar.

Dövlət Turizm Agentliyindən AZƏRTAC-a bildirilib ki, proqrama əsasən sentyabrın 19-dək Çin, Hindistan, Böyük Britaniya, Cənubi Koreya və digər ölkələrdən olan 18 qolf turoperatoru Qubada və Bakıda yerləşən qolf klublarında yarışacaqlar.

Yarışmanın sonunda ilk 3 yeri tutan şəxslərə mükafatlar təqdim olunacaq.

Təşkilat üzvləri, eyni zamanda qolf klublarının dünya standartlarına uyğunluğunu yoxlayacaq və öz ölkələrində Azərbaycanı qolf destinasiyası kimi tanıtmağa dəstək göstərəcəklər.

Qeyd edək ki, Azərbaycan Turizm Bürosu oktyabrın 14-dən 17-dək Mərakeşdə keçiriləcək “International Golf Travel Market” sərgisində iştirak edəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.