DÜNYA


Braziliyada 400 mindən çox insan koronavirusdan dünyasını dəyişib

Madrid, 30 aprel, AZƏRTAC

Braziliyada COVID-19 pandemiyası başlanandan 14 ay sonra koronavirusdan vəfat edənlərin sayı 401.186 nəfərə çatıb.

AZƏRTAC xəbər verir ki, Braziliya COVID-19 infeksiyası səbəbindən ölənlərin sayına görə dünyada ikinci yeri tutur.

Braziliya hökumətinin məlumatına görə, son 24 saatda koronavirusla bağlı 3.074 ölüm faktı qeydə alınıb.

Ölkədə COVID-19-dan ilk ölüm faktı qeydə alınandan təqribən beş ay, daha dəqiq desək 149 gün sonra belə halların sayı ilk dəfə olaraq 100 mini aşmışdı. Rəsmi məlumata görə, o vaxtdan bu ölkədə koronavirus xəstəliyi səbəbindən ölüm hallarının sayı 4 dəfə artıb.

Cənubi Amerikanın bu ölkəsində aprel ayında ölüm səviyyəsi ən yüksək olub: son 29 gündə koronavirusdan ölənlərin sayı 79 mindən çoxdur.

Səhiyyə Nazirliyinin epidemioloji bülleteninin son buraxılışına görə əhalisi 212 milyon olan bu Cənubi Amerika ölkəsində son 24 saatda 69.079 yoluxma halı qeydə alınıb. Beləliklə, ölkədə yoluxanların ümumi sayı 14.661.965 nəfərə çatıb.

Ölkənin iri şəhərlərində hər gün ictimai nəqliyyatda çoxlu insan toplaşır, tibbi məhdudiyyət qaydalarına riayət edilmədən gizli məclislər və yığıncaqlar keçirilir. Bu səbəbdən pandemiya xeyli “cavanlaşıb”.

 

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.