Bu gün Azərbaycan Premyer Liqasında XX tura start veriləcək

Bakı, 30 yanvar, AZƏRTAC

Bu gün futbol üzrə Azərbaycan Premyer Liqasında XX tura start veriləcək.

AZƏRTAC xəbər verir ki, ilk oyun günündə bir qarşılaşma keçiriləcək.

On iki xalla turnir cədvəlində doqquzuncu pillədə qərarlaşan “Sumqayıt” klubu “Kapital Bank Arena”da 17 xalla altıncı olan “Turan Tovuz”u qəbul edəcək.

Qeyd edək ki, turun “Qarabağ” – “Şamaxı” və “Səbail” – “Kəpəz” matçları yanvarın 31-də, “Qəbələ” – “Sabah” və “Neftçi” – “Zirə” görüşləri isə fevralın 1-də oynanılacaq.