DÜNYA


Bu gün Türkiyədə Nazirlər Kabinetinin COVID-19-la bağlı növbəti iclası keçiriləcək

İstanbul, 26 aprel, AZƏRTAC

Bu gün Türkiyədə Nazirlər Kabinetinin yeni növ koronavirus pandemiyası ilə bağlı növbəti iclası keçiriləcək. İclasda ölkədə COVID-19-a qarşı qabaqlayıcı tədbir olaraq tam qapanma ilə bağlı qərar qəbul edilə bilər.

AZƏRTAC xəbər verir ki, Türkiyə Prezidenti Rəcəb Tayyib Ərdoğanın sədrliyi ilə keçirilən toplantıda pandemiya ilə mübarizə yolları, bununla bağlı tətbiq olunan qadağaların sərtləşdirilib və ya yumşaldılması, Ramazan, eləcə də 19 May Atatürkü Anma, Gənclik və İdman bayramlarını da əhatə edəcək iki-üç həftəlik tam qapanma məsələləri müzakirə olunacaq.

Toplantıda ölkədə pandemiya ilə əlaqədar iki həftə əvvəl alınan qərarlarla bağlı görülən tədbirlərin nəticələri, gündəlik yoluxma, ölüm və reanimasiyalarda yatan xəstə sayı müzakirə olunacaq. Qardaş ölkədə qapanma ilə gündəlik yoluxma hallarının azaldılması və bununla yanaşı peyvəndləmə prosesinin artırılması ilə pandemiyanın qarşısının alınması nəzərdə tutulur. Məhz bu səbəbdən bu gün baş tutacaq toplantıda qarşıdan gələn bir aylıq vaxtda görüləcək tədbirlərin müəyyən edilməsi vacib məsələlərdən biridir.

Qeyd edək ki, tam qapanma ilə bağlı qərar qəbul ediləcəyi təqdirdə qida və bir neçə sektor istisna olmaqla qardaş ölkənin bütün dövlət və özəl müəssisələrinin fəaliyyətinin iki-üç həftəlik dayandırılması gözlənilir.

Günel Məlikova

AZƏRTAC-ın xüsusi müxbiri

İstanbul

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.