CƏMİYYƏT


Bu il Xəzər Mediaforumu oktyabr ayında keçiriləcək

Moskva, 29 iyul, AZƏRTAC

Bu il Xəzər Mediaforumu oktyabr ayında keçiriləcək.

AZƏRTAC xəbər verir ki, bunu Həştərxanın qubernatoru Pavel Pautov bildirib.

Qeyd edilib ki, Xəzəryanı dövlətlərin jurnalist və könüllülərini, ekoloji cəmiyyətlərini birləşdirən Xəzər Mediaforumunun bu il oktyabrın sonlarında ənənəvi olaraq Həştərxanda keçirilməsi planlaşdırılır.

Dövlətlərarası Humanitar Əməkdaşlıq Fondu və Rusiya Prezident Qrantları Fondu forumun təşkili üçün 6,6 milyon rubl ayırıb.

Qubernatorun sözlərinə görə, iki gün davam edəcək forum çərçivəsində könüllülər məktəbi, ekoloji mövzuda mühazirələr və ustad dərsləri təşkil olunacaq.

Xatırladaq ki, mediaforum 2015-ci ildən keçirilir. Forum çərçivəsində “Kaspi” ekspertlər klubu yaradılıb.

 

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.