CƏMİYYƏT


Çində koronavirusa yoluxmuş hamilə qadın sağlam uşaq dünyaya gətirib

Pekin, 3 fevral, AZƏRTAC

Çinin şimal-şərqindəki Xeyloncian vilayətində koronavirusun yeni növünə yoluxmuş hamilə qadın körpəsini dünyaya gətirib.

AZƏRTAC vilayətin səhiyyə komissiyasının məlumatına istinadla xəbər verir ki, doğuş normal keçib. Həkimlər doğuş zamanı qadının səhhətinin pisləşmək ehtimalını nəzərə alaraq doğuşun Qeysəriyyə əməliyyatı ilə aparılmasına qərar veriblər.

Çəkisi 3 kiloqram olan körpə qızın səhhəti yaxşıdır. Həkimlər Apqar şkalası ilə (yeni doğulmuş uşağın klinik vəziyyətini qiymətləndirmək üçün tətbiq olunan sistem) onun vəziyyətini ən yüksək - 10 balla qiymətləndiriblər. İki dəfə test edilən körpədə koronavirus aşkarlanmayıb.

Yanvarın 30-da baş tutan doğuşdan sonra ana və körpə xəstəxanada nəzarət altında saxlanılır. Əməliyyatda iştirak etmiş bütün tibb işçilərinin virusa yoluxmasını öyrənmək üçün onlar təcrid olunublar.

Şahin Cəfərov

AZƏRTAC-ın xüsusi müxbiri

Pekin

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.