SİYASƏT


DAŞKƏNDDƏ XOCALI FACİƏSİ ANILDI

Xocalı faciəsinin 10-cu ildönümü ilə bağlı ölkəmizin Özbəkistandakı səfirliyində keçirilmiş mərasimə Azərbaycan Mədəniyyət Mərkəzinin rəhbərləri, Özbəkistanda və Cənubi Qazaxıstanda yaşayan Azərbaycan diasporunun təmsilçiləri, Ağsaqqallar Şurasının üzvləri və özbək xalqının nümayəndələri gəlmişdilər. 

Respublikamızın Özbəkistandakı səfiri Aydın Əzimbəyov, Azərbaycan Mədəniyyət Mərkəzinin sədri İsmayıl Məmmədov, Ağsaqqallar Şurasının sədri Rəşid Hacıyev, Azərbaycanın və Özbəkistanın xalq artisti Firudin Səfərov mərasimdə çıxış edərək ermənilərin vəhşiliklərindən danışmış, Xocalı soyqırımını Xatın və Sonqmi faciələri ilə müqayisə etmişlər.

Sonra Özbəkistanda və Cənubi Qazaxıstanda yaşayan Azərbaycan diasporu adından nüfuzlu beynəlxalq təşkilatlara müraciət qəbul edilmişdir.

Mərasimin sonunda şəhidlərin ruhuna dua oxunmuşdur.

Qulu Kəngərli

AZƏRTAC –ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.