“DİLİMİZ, TARİXİMİZ” MÖVZUSUNDA SƏRGİ AÇILMIŞDIR

AZƏRTAC-ın müxbiri bildirir ki, M.S.Ordubadi adına Naxçıvan kitabxanasında “Dilimiz, tariximiz” sərgisində Azərbaycan dilçiliyindən və tarixindən bəhs edən bir sıra qiymətli elmi əsərlər nümayiş etdirilir.

Sara Aşurbəylinin “Bakı şəhərinin tarixi” kitabında “Bakı” və “Abşeron” sözlərinin mənşəyi, bu bölgələrdə yaşamış qədim tayfalarla bağlı elmi araşdırmalar faktların dili ilə oxuculara çatdırılır.

İbtidai icma quruluşundan 1820-ci ilə qədər olan dövrdən bəhs edən “Azərbaycan tarixi” kitabı da oxucuların böyük marağına səbəb olmuşdur.

Qədim tarixə malik Gəmiqaya abidəsi ilə bağlı kitablar, Azərbaycan dili tarixindən bəhs edən bir sıra sanballı elmi məqalələr sərgidə nümayiş olunur.