ELM VƏ TƏHSİL


Doktorantura və dissertanturaya qəbul üçün xarici dildən danışıq bloku üzrə imtahan davam edir

Bakı, 18 iyun, AZƏRTAC

Doktorantura və dissertantura səviyyəsində xarici dildən qəbul və fəlsəfə doktoru üzrə danışıq bloku imtahanı davam edir.

Dövlət İmtahan Mərkəzindən AZƏRTAC-a bildirilib ki, iştirakçılar DİM-in saytından imtahana buraxılış vərəqəsində göstərilən yer (DİM-in Ə.Salamzadə küçəsi, 28 ünvanında yerləşən binası, 8 Noyabr metrostansiyasının yanı) və saatda imtahan verirlər.

Xatırladaq ki, xarici dil üzrə danışıq bloku imtahanı iyunun 16-dan etibarən keçirilir və iyunun 19-dək davam etdirilməsi nəzərdə tutulur. İyunun 16-da keçirilən imtahanda iştirak etməli olan 645 nəfərdən 41 nəfər, iyunun 17-də isə 639 nəfərdən 36 nəfər imtahana gəlməyib.

Dövlət İmtahan Mərkəzi müxtəlif səbəblərdən iyunun 16-17-də danışıq bloku imtahanına gəlməyən şəxslər üçün imtahan vermək imkanı təklif edir. İmtahanda iştirak etmək istəyənlər iyunun 19-u saat 15:30-dan 16:30-dək DİM-in 8 Noyabr metrostansiyasının yanında, Ə.Salamzadə küçəsi, 28 ünvanında yerləşən binasına yaxınlaşa bilərlər.

Xatırladaq ki, danışıq bloku üzrə imtahanda iştirak etməyən şəxslər ilk 4 blok üzrə lazımi nəticə göstərsələr belə, doktoranturaya qəbul imtahanı verənlər növbəti – fəlsəfə imtahanına buraxılmırlar, fəlsəfə doktoru imtahanı verənlər isə müvafiq şəhadətnamə ilə təmin olunmur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.