CƏMİYYƏT


Dövlət Əmək Müfəttişliyi Xidməti Lənkəran və Masallı rayonlarında seminar keçirib

Bakı, 19 sentyabr, AZƏRTAC

Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Lənkəran və Masallı rayonlarında işəgötürənlərin iştirakı ilə “Əmək normaları, əməyin ödənilməsi, qaydaları və təminatları”, “Əməkhaqqının ödənilməsinin formaları, qaydaları və əməkhaqqından tutulmalar” və “Nəqliyyat iqtisadi sahəsində qeyri-rəsmi məşğulluğun qarşısının alınması” mövzularında seminar keçirib.

Nazirliyin ictimaiyyətlə əlaqələr şöbəsindən AZƏRTAC-a bildiriblər ki, tədbirdə Lənkəran və Masallı ilə yanaşı, Astara, Lerik, Cəlilabad, Biləsuvar, Yardımlı rayonlarından olan işəgötürənlər iştirak ediblər.

Seminarda əmək haqqının verilməsinin müddətləri ilə bağlı əmək qanunvericiliyində əksini tapan prinsiplər, əmək haqqının verilməsinin işəgötürənin təqsiri üzündən gecikdirildiyi hallarla bağlı qanunvericiliyin tələbləri, işçilərin haqq-hesab sənədlərinin tərtib edilməsi üzrə qaydalar, əmək haqqının verilmə yeri, forması və ödənilmə vahidi və digər məsələlər haqqında məlumatlar verilib.

Həmçinin orta əmək haqqı və onun hesablanması qaydası, əməyin ödənilməsinin təminatları, müəssisənin ləğv edildiyi hallarda işçilərin əmək haqqı, sosial müdafiə xarakterli ödəmələrinin, o cümlədən istifadə etmədikləri məzuniyyətə görə pul əvəzinin ödənilməsi ilə bağlı Əmək Məcəlləsinin tələbləri, əməkhaqqından tutulmalara yol verilən hallar barədə də danışılıb.

Seminarda qeyri-formal məşğulluğun sosial-iqtisadi inkişaf üçün mənfi nəticələrindən bəhs olunub. Qeyd edilib ki, əmək münasibətlərinin qeyri-rəsmi xarakter daşıması işçilərin gələcək sosial müdafiə hüquqlarına malik olmasına maneə yaradır və qanunvericiliyə əsasən hər bir işəgötürən işçilərlə əmək münasibətlərini əmək müqaviləsi əsasında qurmalıdır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.