CƏMİYYƏT


Dövlət Məşğulluq Xidməti tələbə və məzunları “Məşğulluq” altsistemi barədə maarifləndirib

Bakı, 10 iyun, AZƏRTAC

Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti Təhsil Nazirliyi və Gənclər və İdman Nazirliyinin dəstəyi, Azərbaycan Dövlət İqtisad Universitetinin (UNEC) təşkilatçılığı ilə keçirilən əmək yarmarkasında iştirak edib.

Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, yarmarkada Dövlət Məşğulluq Xidmətinin şəhər və rayon mərkəzlərinin nümayəndələri tələbə və məzunlara “Məşğulluq” altsistemi barədə məlumat veriblər. Həmçinin bu altsistemə yerləşdirilməsi üçün iştirakçılardan CV-lər qəbul edilib. Yarmarkaya gələn gənclərə Dövlət Məşğulluq Xidməti tərəfindən həyata keçirilən aktiv məşğulluq tədbirləri – özünüməşğulluq proqramı, peşə hazırlığı kursları, “Karyerada ilk addım” tədbirləri və əmək bazarındakı mövcud vəziyyət barədə də ətraflı məlumatlar verilib.

Qeyd edək ki, əmək yarmarkasında 50-ə yaxın dövlət və özəl müəssisədən 300 vakant iş yeri təqdim edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.