AQTİ işə qəbul elan edir
Bakı, 1 may, AZƏRTAC
Azərbaycan Qida Təhlükəsizliyi İnstitutu (AQTİ) Şirvan-Salyan, Dağlıq Şirvan, Mil-Muğan, Mərkəzi Aran və Quba-Xaçmaz iqtisadi rayonlarına daxil olan inzibati rayonlarda işləmək imkanı olan, baytarlıq, balıqçılıq və balıqçılıq təsərrüfatı işi, su bioehtiyatları və akvabitkilər, zootexniklik, əczaçılıq ixtisaslarına yiyələnmiş ali təhsilli mütəxəssisləri əməkdaşlığa dəvət edir. Namizədlərin ixtisasları üzrə iş təcrübəsinin olması arzuolunandır.
İnstitutun İctimaiyyətlə əlaqələr şöbəsindən AZƏRTAC-a verilən məlumata görə, müvafiq ixtisasa sahib, karyera hədəfləri üçün iş imkanlarını dəyərləndirmək istəyən namizədlər işə qəbul üçün müraciət edə bilərlər.
Göstərilən tələblərə cavab verən şəxslər CV-lərini mayın 10-dək mövzu yerinə müvafiq iqtisadi rayonun adını (məsələn: "AQTİ-Şirvan-Salyan") qeyd etməklə [email protected] elektron poçt ünvanına göndərə bilərlər.
İşə qəbul müsahibə əsasında aparılacaq. Yalnız müvafiq tələblərə cavab verən namizədlərin CV-ləri təhlil ediləcək və onlar müsahibəyə dəvət olunacaqlar.
Bölmənin digər xəbərləri
