Bakı, 3 iyun, AZƏRTAC

Hər il olduğu kimi bu il də ənənəsinə sadiq qalan Dövlət Uşaq Filarmoniyası Uşaqların Beynəlxalq Müdafiəsi Günü münasibətilə Gənc Tamaşaçılar Teatrının səhnəsində “Sizi gözləyirik” adlı hesabat konserti təqdim edib.

AZƏRTAC xəbər verir ki, Mədəniyyət Nazirliyinin dəstəyi ilə təşkil olunan konsertdə Uşaq Filarmoniyasının müxtəlif dərnəklərindən 100-dən çox uşaq çıxış edib.

Bir-birindən maraqlı, rəngarəng səhnə geyimləri və gözəl musiqi nömrələri ilə seçilən balaca istedadların çıxışları tamaşaçıların gurultulu alqışları ilə qarşılanıb. Tədris ilinin yekunu, bir ilin hesabatı olan bu konsertdə balacalarımız həm də öyrəndiklərini, yeni bilik və bacarıqlarını səhnədə tamaşaçılarla bölüşüblər.