İQTİSADİYYAT
ENERGETİKA ŞURASININ NÖVBƏTİ İCLASI OLMUŞDUR
Türkiyənin İstanbul şəhərində Qara Dəniz İqtisadi Əməkdaşlıq Təşkilatı (QDİƏT) Energetika Şurasının növbəti iclası olmuşdur. Yanacaq və Energetika Nazirliyindən AZƏRTAC-ın müxbirinə bildirmişlər ki, QDİƏT-in bu tədbirinə daha yeddi ölkənin-Fransa, Almaniya, Avstriya, İtaliya, İsrail, Tunis və Polşanın da nümayəndə heyəti qatılmışdır. Azərbaycan Respublikasının yanacaq və energetika nazirinin səlahiyyətlərini icra edən Məcid Kərimovun sədrlik etdiyi ikigünlük iclasda 18-19 sentyabr 2003-cü il tarixdə qəbul edilmiş “Bakı bəyannaməsi”nin icrası çərçivəsində strateji proqramların müəyyənləşdirilməsi və əməkdaşlığın öncül istiqamətləri müzakirə olunmuşdur.