İQTİSADİYYAT


Fiziki şəxsin ikinci iş yerindəki əməkhaqqı vergi güzəşti tətbiq edilmədən hesablanır

Bakı, 13 fevral, AZƏRTAC 

Fiziki şəxsin əlavə iş yerindən ona ödənilən əməkhaqqından gəlir vergisi hansı formada tutulur?

İqtisadiyyat Nazirliyi yanında Dövlət Vergi Xidmətindən AZƏRTAC-a bildirilib ki, Vergi Məcəlləsinin 101.1-2-ci maddəsinə əsasən, iki və ya daha çox yerdə muzdla işləyən fiziki şəxslərin gəlirlərindən gəlir vergisi hər bir iş yerində ödənilən məbləğdən ayrıca hesablanır və dövlət büdcəsinə ödənilir. Belə ki, şəxsin ikinci iş yeri dövlət sektoru olarsa, əməkhaqqının 2500 manatadək hissəsinə 14 faiz, 2500 manatdan çox olan hissəyə 25 faiz dərəcə ilə vergi hesablanır. İkinci iş yeri müvafiq meyarlara əsasən neft-qaz sahəsi olmayan və qeyri-dövlət sektoru hesab olunduğu halda əməkhaqqının 8000 manatadək hissəsinə 0 faiz, 8000 manatdan çox məbləğə isə 14 faiz dərəcə ilə vergi hesablanır. Vergi güzəştlərinin əsas iş yerində tətbiq olunduğunu nəzərə alaraq, ikinci iş yerində əldə olunan gəlirdən vergi hər hansı güzəşt tətbiq edilmədən hesablanır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.