İDMAN


Fuad Cəfərov memorialının “Masters” beynəlxalq turnirində yeddinci turun oyunları keçirilib

Bakı, 9 yanvar, AZƏRTAC 

Azərbaycanın tanınmış şahmat məşqçisi, Respublika Şahmat Mərkəzinin ilk direktoru, şahmat turnirlərinin peşəkar təşkilatçısı Fuad Cəfərovun xatirəsinə həsr olunan memorial çərçivəsində keçirilən beynəlxalq “Masters” turniri davam edir.

AZƏRTAC xəbər verir ki, 10 şahmatçının, o cümlədən 4 qrossmeysterin iştirak etdiyi A qrupunda yeddinci turun oyunları yekunlaşıb. Dairəvi turnirdə İran təmsilçisi Araş Təhbaz (2468) turun nəticələrinə görə 5,5 xalla liderliyini davam etdirir. İkinci yerdə 4 xalla Azərbaycan şahmatçısı Ülvi Bacarani (2421) qərarlaşıb. Daha iki şahmatçı - ukraynalı Mixail Simantsev (2401) və Rusiya təmsilçisi Oleq Bıkov (2395) 4 xalla üçüncü və dördüncü yerləri bölüşürlər.

Turnirə yanvarın 11-də yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.