MƏDƏNİYYƏT
Gənc Tamaşaçılar Teatrında tamaşaçıları maraqlı tamaşalar və premyeralar gözləyir
Bakı, 29 aprel, AZƏRTAC
May ayında Azərbaycan Dövlət Gənc Tamaşaçılar Teatrında paytaxt sakinlərini maraqlı tamaşalar və premyeralar gözləyir.
AZƏRTAC xəbər verir ki, “Hasarın o üzü” tamaşası mayın 2-də və 24-də, “Mən səni sevirəm – M.S.S.” isə 14-də nümayiş olunacaq.
Mayın 3-də və 17-də U.Şekspirin “III Riçard” və “Romeo və Culyetta” əsərləri əsasında hazırlanmış tamaşalar təqdim olunacaq.
Teatrsevərlər mayın 8-i və 12-də M.F.Axundzadənin “Hekayəti xırs quldurbasan”, ayın 13-də “Hacı Qara”, 20-də “Müsyö Jordan və dərviş Məstəli şah” komediyalarına baxa bilərlər.
Mayın 9-da L.Nurenin “Mən gəldim qızlar” (“Müharibə”), 10-da H.Cavidin “Şeyx Sənan”, 16-da T.Vəliyeva “Mənim ağ göyərçinim”, 23-də İ.Əfəndiyevin “Sarıköynəklə Valehin nağılı” əsərləri əsasında hazırlanan tamaşalar göstəriləcək.
Həmçinin mayın 30-u və 31-də H.Mirələmovun “Miras” əsərinin premyerası olacaq.
Gənc Tamaşaçılar Teatrı həmişə olduğu kimi, may repertuarında da uşaqları yaddan çıxarmayıb. Balacalar “Danışan gəlincik” tamaşasına mayın 2-də, “Qaraca qız” tamaşasına isə ayın 3-də və 7-də baxa bilərlər.
Mayın 6-da “Əlincə qalası”, 9-da Azərbaycan xalq nağılı “Göyçək Fatma”, 10-da “Şəngülüm, Şüngülüm, Məngülüm”, 16-da “Dəcəl keçi”, 17-də “Dörd əkizin nağılı”, 30-da ərəb xalq nağılı “Ələddinin sehrli çırağı”, 31-də “Qırmızı papaq” tamaşaları uşaqları sevindirəcək.
Mayın 23-ü və 24-də isə H.K.Andersenin “Çirkin ördək balası”nın premyerası olacaq.