ELM VƏ TƏHSİL


Gənc bioloqların yaradıcılıq müsabiqəsinin rayon mərhələsi başa çatıb

Bakı, 27 may, AZƏRTAC

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələri və uşaq-gənclər inkişaf mərkəzlərinin şagirdləri arasında keçirilən gənc bioloqların yaradıcılıq müsabiqəsinin rayon mərhələsi başa çatıb.

BŞTİ-dən AZƏRTAC-a bildirilib ki, müsabiqənin rayon mərhələsində 261 ümumi təhsil müəssisəsindən 783 şagird iştirak edib. Şagirdlər 2 akademik saat ərzində ümumi təhsil və uşaq-gənclər inkişaf mərkəzlərinin proqramlarına uyğun olaraq 30 sualdan ibarət test tapşırığını və 2 məsələni yerinə yetiriblər.

Test tapşırıqlarının hər birinin doğru cavablandırılması 1, məsələ isə 5 balla qiymətləndiriləcək.

Qeyd edək ki, müsabiqənin final mərhələsinə hər rayondan 1 komanda olmaqla, ümumilikdə 12 komanda qatılacaq. Komandalar 30 test sualı və 2 məsələ ilə yanaşı, 1 təcrübə işi də yerinə yetirəcəklər. Müsabiqənin nəticələrinə görə, ilk 3 yeri tutan komandalar qalib hesab olunacaq.

Xatırladaq ki, müsabiqənin keçirilməsində əsas məqsəd məktəblilərin biologiya fənninə olan marağının daha da artırılması, onların bu sahədə nəzəri və təcrübi biliklərinin təkmilləşdirilməsi, istedadlı şagirdlərin aşkara çıxarılmasından ibarətdir. Müsabiqə IX, X, XI sinif şagirdləri arasında təşkil edilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.