İDMAN


Gənc qılıncoynadanlar arasında Bakı birinciliyinin qalibləri müəyyənləşib

Bakı, 15 sentyabr, AZƏRTAC

Azərbaycan Texniki Universitetinin İdman Sarayında yeniyetmə və gənclər arasında qılıncoynatma üzrə Bakı birinciliyinə yekun vurulub.

AZƏRTAC xəbər verir ki, Azərbaycan Qılıncoynatma Federasiyası və Bakı Şəhər Gənclər və İdman Baş İdarəsinin birgə təşkilatçılığı ilə təşkil olunan yarışın ikinci günündə gənc qılıncoynadanlar arasında sablya, şpaqa və rapira növləri üzrə qaliblər müəyyənləşib.

Oğlanlar arasında sablyada Murad Əkbərov, şpaqada Ruslan Həsənov, rapirada isə İlkin Cəfərzadə fəxri kürsünün ən yüksək pilləsinə qalxıblar. Qızların mübarizəsində isə sablyada Sara Aydəmirova, şpaqada Nazilə Rəhimova, rapirada isə Püstəxanım Dadaşova birinci olublar.

Mükafatçılar diplom və medallarla təltif olunublar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.