REGİONLAR


Gənclərin vətənpərvərlik ruhunda yetişməsində dövlət rəmzlərinin təsiri böyükdür

Masallı, 4 dekabr, Bağır Əliyev, AZƏRTAC

Masallı Gənclər mərkəzində rayon gənclər və idman idarəsinin, təhsil şöbəsinin birgə təşkilatçılığı ilə keçirilən “dəyirmi masa”da gənclərin vətənpərvərlik ruhunda yetişməsində dövlət rəmzlərinin təsirinə dair müzakirələr aparılıb.

AZƏRTAC-ın bölgə müxbiri xəbər verir ki, Masallı rayon gənclər və idman idarəsinin rəisi Camal Manafov tədbirdə çıxış edərək gənclərin vətənpərvər ruhda böyüməsi üçün dövlət rəmzlərinin təbliğinin vacibliyindən danışıb. Diqqətə çatdırılıb ki, dövlət atributlarının mahiyyətinin və əhəmiyyətinin gənclər arasında geniş təbliği, gənc nəslin Azərbaycanın bayrağına, gerbinə və himninə hörmət ruhunda tərbiyə edilməsi onların vətənpərvərlik ruhunun artırılmasında müstəsna əhəmiyyət kəsb edir.

Rayon təhsil şöbəsinin metodisti Gülağa Məmmədov qeyd edib ki, dövlət atributlarının gənclər arasında təbliği onların vətənpərvərlik hissinin daha da möhkəmlənməsinə xidmət edir. Ona görə də cəmiyyətin bütün təbəqələri bu işdə fəal olmalıdırlar.

Digər çıxışlarda da bildirilib ki, vətənpərvərlik mövzusunda keçirilən tədbirlər gənclərin gələcək həyatında müstəsna rol oynayır, onların vətənpərvər, xalqını, millətini sevən gənc kimi formalaşmasına mühüm töhfə verir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.