DÜNYA


Gürcüstan sərhədçiləri Ermənistandan bu ölkəyə gizli keçmək istəyən şəxsləri yaxalayıblar

Tbilisi, 9 fevral, AZƏRTAC

Gürcüstan Daxili İşlər Nazirliyinin (DİN) Sərhəd Polisinin əməkdaşlarının keçirdikləri əməliyyat-axtarış tədbirləri nəticəsində Ermənistandan bu ölkəyə gizli yolla keçmək istəyən 7 nəfər saxlanılıb.

AZƏRTAC xəbər verir ki, bu barədə Gürcüstan DİN məlumat yayıb. Məlumatda bildirilir ki, əməliyyat Ermənistan ilə Gürcüstan arasındakı “Sadaxlı” sərhəd-keçid məntəqəsinin nəzarət olunmayan ərazisində keçirilib. Nəticədə sərhədi gizli və qanunsuz yolla keçmək istəyən 3 nəfər Banqladeş, 3 nəfər Hindistan və 1 nəfər Yəmən vətəndaşı saxlanılıb. Həmin şəxslərin Ermənistana hansı yolla gəldikləri barədə məlumat yoxdur.

Faktla bağlı cinayət işi başlanılıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.