DÜNYA


Gürcüstanda nikah qeydiyyatı ilə bağlı qadağalar yumşaldılır

Tbilisi, 9 iyun, AZƏRTAC

Gürcüstanda iyunun 9-dan ölkə daxilində nikah qeydiyyatının şənlik mərasimini keçirmə xidməti bərpa olunub.

AZƏRTAC xəbər verir ki, bu barədə Gürcüstanın Dövlət Qurumlararası Koordinasiya Şurası qərar qəbul edib.

Qərara əsasən evlənmək istəyən cütlük birgə ərizə təqdim etmək üçün Ədliyyə Evlərinə, icma mərkəzlərinə, ərazi idarələrinə, nikah evlərinə ziyarətini əvvəlcədən müvafiq qurumlarda elektron qeydiyyatdan keçməlidir.

Nikaha daxil olmaq istəyən şəxslər və onları müşayiət edənlər (10 nəfərdən çox olmayaraq) qeydiyyat məkanında maskadan istifadə etməlidirlər.

Xatırladaq ki, ölkədə koronavirusun yayılmasının qarşısını almaq üçün elan edilmiş fövqəladə vəziyyət səbəbindən nikah evlərində (məkanlarda) şənlik mərasimlərinin keçirilməsi müvəqqəti dayandırılmışdı.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.