DÜNYA


Gürcüstanın Kaxeti bölgəsində acınacaqlı vəziyyət yaranıb

Tbilisi, 14 oktyabr, AZƏRTAC

Gürcüstanın bəzi bölgələrində koronavirusa yoluxma halları yenidən artıb.

AZƏRTAC xəbər verir ki, paytaxt Tbilisidə və daha bir neçə regionda məktəblər və uşaq bağçaları bağlanıb, bəzi məktəblərin aşağı sinifləri onlayn təhsilə keçiblər.

Gürcüstanın Xəstəliklərə Nəzarət Milli Mərkəzinin Kaxeti bölgəsi üzrə rəhbəri bildirib ki, regiondakı kovid-klinikalarda boş çarpayı yoxdur. Bölgə üzrə koronavirusa yoluxma halları 20 faizdən çoxdur.

Mərkəzdən verilən məlumata görə, son 14 gündə bölgədə yoluxma 17 faiz, yeddi gün ərzində 19 faiz, son sutkada isə 20 faizdən çox olub.

İlk növbədə yoluxma məktəblərdə və uşaq bağçalarında qeydə alınıb. Hazırda bölgədə 39 uşaq bağçası bağlanıb, 6 məktəb isə yenidən distant təhsilə keçib.

Qeyd edək ki, oktyabrın 4-dən Gürcüstanda məktəblərdə dərslər birbaşa siniflərdə keçirilir, uşaq bağçaları da açılıb. Lakin bu gün paytaxt Tbilisidə də 40-a yaxın uşaq bağçası koronavirusa görə bağlanıb. Bəzi məktəblərin bir neçə sinfində dərslər onlayn qaydada keçirilir.

Məlumat üçün qeyd edək ki, Gürcüstanda son ötən sutkada daha 4 212 nəfərdə koronavirus aşkarlanıb, 1 982 nəfər müalicə olunaraq sağalıb, 38 pasiyent həyatını itirib.

Gürcüstan hökumətinin xüsusi rəsmi saytında yerləşdirilən məlumata görə, ölkədə COVID-19 infeksiyasına yoluxanların ümumi sayı 649 407-yə, sağalanların sayı 607 563-ə, ölənlərin sayı isə 9 370-ə çatıb.

Xətayi Əzizov

AZƏRTAC-ın xüsusi müxbiri

Tbilisi 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.